कोरोची (कोल्हापूर) : स्वातंत्र्यदिन आणि वीराचार्य बाबासाहेब कुचनुरे यांच्या पुण्यतिथी निमित्त कोरोची येथील वीर सेवा दल आणि जयसिंगपूर येथील ‘पायोस हॉस्पिटल’ यांच्यावतीने मोफत आरोग्य तपासणी शिबिराचे आयोजन करण्यात आले आहे.
हे शिबिर कस्तुरबा गांधी बालवाडी येथे सकाळी १० ते संध्याकाळी ४ या वेळेत होणार आहे. या शिबिरात गरजू रुग्णांना इसीजी सुविधा, ‘पायोस हॉस्पिटल’ मध्ये लॅब व एक्सरे चाचणीसाठी २० टक्के सवलत देण्यात येणार आहे. राजीव गांधी जीवनदायी योजनेचाही लाभ रुग्णांना घेता येणार आहे.
जास्तीत जास्त लोकांनी याचा लाभ घ्यावा, असे आवाहन वीर सेवा दलाचे जिल्हा सचिव विजय बरगाले, संघनायक स्वप्नील उपाध्ये, उपसंघनायक सौरभ पाटील यांनी केले आहे.
मोफत आरोग्य तपासणी शिबिर
दिवस : १५ ऑगस्ट
वेळ : सकाळी १० ते संध्याकाळी ४
स्थळ : कस्तुरबा गांधी बालवाडी, कोरोची
